خانه / آرشیو / شعرمازندرانی در وصف مازندران

شعرمازندرانی در وصف مازندران

شعر مازندرانی

مازرون من ت هواره خامه
من ت مردم با صفاره خامه

همه جا سبزه و همه جنگل
من ت کوه و ت دریاره خامه

خشی و صفا ت مرز و بومه
من ت رامسر تا گلوگاره خامه

ت کچیک وچون بازی ها ر گمه
من ت هفت سنگ،اغوزکاره خامه

ت مردم دل همه جا شاد هسه
من ت عروسی،چکه سماره خامه

اینجه چهار فصل بهشته ولی
من ت اینای دله ماهه بهاره خامه

هره ماه و سیو ماه و میره ماه
من ت هر ماه نا،کرچی ماره خامه

همه با غدار و همه بیج کارنه
من ت گسفن شونه صحراره خامه

دباره بهار بیه بله بینج بنشاییم
من ت تابسون کمل کوفاره خامه

اغوز خرش و هلی غرو خاره
من ت اتا کیی پلاره خامه

جان مازرون من ت هواره خامه
من ت مردم با صفاره خامه

ت مردم همه غیرتی و شجاع
من ت همه جنگه شهداره خامه

خشگل زنا و قشنگ مردی داینی
من ت کیجا قد بلند بالاره خامه

همه کشتی گیرو همه سر ب زیر
من ت جان مازرون جووناره خامه

گلج امه سر دره لمه امه زیر پا
من ت مردمون کهنه قواره خامه

پهنه کلا و امازاده عبدالله داینی
من ت حاجی شیخ موساره خامه

مردم همه نماز خون و با روزه
من ت مردمون با خداره خامه

همه گت مردی و پر اوازه
من ت هادی نوروزی هاره خامه

نیما یوشیج هسه ت شاعر
من ت پازواری و طالباره خامه

امیری و کتولی بخونن ت مردم
من ت اون طالب طالباره خامه

مازرون من ت هواره خامه
من ت مردم با صفاره خامه

شاعر : جواد ادبی فیروزجاه

جواد ادبی فیروزجاه

یک دیدگاه

  1. شعر قشنگی بود
    من ازاین شعر زیبا در درسم استفاده کردم
    ممنون از شما

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.