خانه / آرشیو / شعر مازندرانی ” جان مار “

شعر مازندرانی ” جان مار “

شعر مازندرانی :

خدا و مه جان ماره وره  مجا نیر

امه مار امه  دنیا ره وره  مجا نیر

چند روز ایه که حالی ندارنه

ونه حال چه زاره وره مجا نیر

خدا دونی من جز و کسی نارمه

مه سر سایه ساره وره مجا نیر

خدا دونی که اگه وه بیمیره

من دل بونه پاره وره مجا نیر

خدا اگه وه مه پلی دنی بوشه

مه زندگی تاره وره مجا نیر

ونه نازک دل همش امه پلی دره

ونه فکر منه کاره وره کجا نیر

صبح تا شو همش مسه تجنه

ونه خسه تن بلاره وره مجا نیر

خنه بی مار که سکه سو نداینه

خنه یه ستون و دیواره وره مجا نیر

تا مار امه خنه دره صفا دایمی

امه خنه ی صفاره وره مجا نیر

اگه وه امه خنه دله دنی بوشه

اما ندارمی چاره وره مجا نیر

اگه گد بوم ونه پلی کچیکمه

خش هدم ونه پاره وره مجا نیر

شاعر : جواد ادبی فیروزجاه

جواد ادبی فیروزجاه

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.