خانه / آرشیو / یاد اون قدیما بخیر مردم بینه فقیر ولی خش بینه | شعر مازندرانی

یاد اون قدیما بخیر مردم بینه فقیر ولی خش بینه | شعر مازندرانی

شعر مازندرانی زیبا :

ب نام خدا ک هسه یکه تاز
فقط وهسه دونه م دل راز

اون قدیما مردم بینه فقیر
ولی خش بینه با دله نیاز

مسلمون بینه و با خدا
غذا نیه وشون اتا نماز

راسی وشون غذا نیه کباب
نون خشک بیه با اتا دونه پیاز
نداشتنه ش وچون هدن غذا
ولی در مهمون وسه بیه واز

کرک و سیکا خله داشتنه
سال ک نو بی بوکشتنه غاز

اتا کمه نون داشت بون
ش همسایه ر گیتنه همباز

ش سر جا ننیشت بینه کار کردنه
نتنه خسمی جان خدا تو بساز

وشون دس دله پینه بزه بیه
دس فقط سمت خدا بیه دراز

کوه و مازرون کردنه نداشتنه ماشین
پیاده شیننه. این همه راه نکردنه ناز

الان دسوری نیه برار جان
ماشین پشت هی هدی گاز

گو و گسفن وشون همراه دیه
اتی ر ورگ خرده اتی ر وراز

همه خواننده و خش صدا
لله وا بیه وشون جان ساز

کتولی و امیری خونسنه برار
طالب طالبا بیه وشون دمساز

وشون عروسی ساده بیه
کیجا نداشته الان جور ناز

اتا صندخ دتا لمه و کچه
چنتا کترا بیه کیجای جهاز

جواد تو ک ندونی هیچ خبر
چیزی نو ک نداینی جواز

شاعر : جواد ادبی فیروزجاه

جواد ادبی فیروزجاه

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.